Advertisement

ഒരു ഗ്ലാസ് ജീരകവെള്ളം രാവിലെ ഉറക്കമുണര്‍ന്ന് കഴിഞ്ഞാല്‍ കുടിക്കുന്നത് കൊണ്ട് നിരവധി ഗുണങ്ങളാണുള്ളത്. അത് ശരീരത്തിലെ ചീത്ത കൊളസ്‌ട്രോളിനെ ഇല്ലാതാക്കുന്നു. ജീരകത്തില്‍ അടങ്ങിയിരിക്കുന്ന ആന്റി ഇന്‍ഫ്ളമേറ്ററി ഘടകത്തിന് അമിതവണ്ണത്തെ തടയാനാവും. ഇത് ദഹനത്തിനും നെഞ്ചെരിച്ചല്‍ പോലുള്ള പ്രശ്നങ്ങള്‍ക്കും പരിഹാരമായി ഉപയോഗിക്കാം. ജീരകം ദഹനരസങ്ങളെ ഉത്തേജിപ്പിക്കാനും അസിഡിറ്റി, ദഹനക്കേട് തുടങ്ങിയ വയറുവേദനയെ തടയാനും സഹായിക്കുന്ന ഒരു സുഗന്ധവ്യഞ്ജനമാണെന്നാണ് ആയുര്‍വേദം അഭിപ്രായപ്പെടുന്നത്.ജീരകം സാധാരണയായി ദഹന എന്‍സൈമുകളുടെ സ്രവത്തെ ഉത്തേജിപ്പിക്കുകയും ദഹന പ്രക്രിയയെ ത്വരിതപ്പെടുത്തുകയും ചെയ്യുന്നു. ജീരക വെള്ളം അസിഡിറ്റി, ശരീരവണ്ണം എന്നിവ ഒഴിവാക്കാന്‍ സഹായിക്കുന്നു, ഇത് വേദനസംഹാരിയായി പ്രവര്‍ത്തിക്കുന്നു, മാത്രമല്ല വയറുവേദനയും ഭേദമാക്കുന്നതിന് ഇത് പ്രത്യേകിച്ചും ഗുണം ചെയ്യും, എന്ന് ആയുര്‍വേദ വിദഗ്ധന്‍ ഡോ.അശുതോഷ് ഗൗതം പറയുന്നു.