Advertisement
കൊരട്ടിക്കര സെന്റ് പീറ്റേഴ്‌സ് ആന്റ് സെന്റ് പോള്‍സ് യാക്കോബായ സിറിയന്‍ കുരിശു പള്ളിയുടെ 25ാം മത് സ്ഥാപിത പെരുന്നാള്‍ സമാപിച്ചു.ഞായറാഴ്ച പകല്‍ പെരുന്നാള്‍ ആരംഭിച്ച് ദേശങ്ങളില്‍ വിളംബരം നടത്തി വൈകീട്ട് കുരിശ് തൊട്ടിയില്‍ സമാപിച്ചു. മുത്തുക്കുടകള്‍ , തംബോറ്, ചെണ്ട വാദ്യം, ബാന്റ് വാദ്യം എന്നിവ പെരുന്നാളിന് മാറ്റേകി. സമാപന പ്രാര്‍ത്ഥനക്ക് വികാരി ഫാ. എല്‍ദോസ് ചിറക്കുഴിയില്‍ , ഫാ. സിജി മാത്യൂ എന്നിവര്‍ കാര്‍മ്മികത്വം വഹിച്ചു. ആശീര്‍വാദവും സ്‌ളീബാ വണക്കവും നേര്‍ച്ചസദ്യയും ഉണ്ടായി. പെരുന്നാള്‍ തലേന്ന് ശനിയാഴ്ച വൈകീട്ട് ആറിന് സന്ധ്യാനമസ്‌കാരത്തിന് വികാരി ഫാ. എല്‍ദോസ് ചിറക്കുഴിയില്‍ നേതൃത്വം നല്‍കി. ചാരീറ്റിസ് സെക്രട്ടറി സാബു സ്‌കറിയച്ചന്‍ , ട്രഷറര്‍ പി.കെ ജോര്‍ജ് ,ചാരിറ്റി ട്രസ്റ്റ് അംഗങ്ങളായ പി.സി താരുകുട്ടി , വര്‍ഗ്ഗീസ് കണ്ണനായ്ക്കല്‍ , തോമസ് കാട്ടില്‍ , ലിയോ അബ്രഹാം, ജിജോ ജേക്കബ് എന്നിവര്‍ നേതൃത്വം നല്‍കി.
