Advertisement
Advertisement
Advertisement
രാജ്യത്ത് 24 മണിക്കൂറിനിടെ 86,961പേര്‍ക്ക് കൂടി കോവിഡ് സ്ഥിരീകരിച്ചതായി കേന്ദ്ര ആരോഗ്യ കുടുംബക്ഷേമ മന്ത്രാലയം. ഇതോടെ ഇന്ത്യയിലെ കോവിഡ് ബാധിതരുടെ എണ്ണം 54,87,581 ആയി.കഴിഞ്ഞ ദിവസം 1130 കോവിഡ് മരണമാണ് റിപ്പോര്‍ട്ട് ചെയ്തത്. ഔദ്യോഗിക കണക്ക് പ്രകാരം ഇതുവരെ 87,882 പേരാണ് കോവിഡ് ബാധിച്ച് മരിച്ചത്. മരണനിരക്ക് 1.61 ശതമാനമായി കുറഞ്ഞുവെന്നാണ് ആരോഗ്യമന്ത്രാലയം അറിയിച്ചത്.രാജ്യത്ത് നിലവില്‍ 10.03 ലക്ഷം കോവിഡ് ബാധിതര്‍ ചികിത്സയിലുണ്ട്. 43,96,399 പേര്‍ രോഗമുക്തി നേടി. രോഗമുക്തി നിരക്കില്‍ ഇന്ത്യ ഒന്നാംസ്ഥാനത്താണ്. 79.68 ശതമാനമാണ് ഇന്ത്യയിലെ കോവിഡ് രോഗമുക്തി നിരക്ക്.ഇന്ത്യയില്‍ 6.50 കോടി കോവിഡ് പരിശോധനകളാണ് ഇതുവരെ നടത്തിയത്. സെപ്തംബര്‍ 20ന് 7,31,534 സാമ്പിളുകള്‍ പരിശോധിച്ചതായും ഐ.സി.എം.ആര്‍ അറിയിച്ചു.
