പുന്നയൂര് പഞ്ചായത്തിലെ കൃഷിഭവന് ഓഫീസ് ഈ മാസം അവസാനത്തോടുകൂടി നവീകരിച്ച പുതിയ ബില്ഡിംഗിലേക്ക് പ്രവര്ത്തനം മാറ്റുമെന്ന് പഞ്ചായത്ത് പ്രസിഡണ്ട് ബുഷറ കുന്നമ്പത്ത്. എംപി ടി എന് പ്രതാപന് കൃഷിഭവന് ഓഫീസ് സന്ദര്ശനം നടത്തി. നിലവില് പഞ്ചായത്തിന് സമീപമുള്ള മുറിയിലാണ് കൃഷിഭവന് പ്രവര്ത്തിക്കുന്നത്. പല സന്ദര്ഭങ്ങളിലും കൃഷിഭവനിലേക്ക് ആളുകള് എത്തുന്നത് മൂലം പഞ്ചായത്തും പരിസരവും ജനനിബിഡമാവാറുണ്ട്. തൈകളോ മറ്റു കൃഷി സാമഗ്രികളോ എത്തിയാല് പഞ്ചായത്ത് വാഹനം പുറത്ത് ഇടാറാണ് പതിവ്. മാത്രവുമല്ല ഇടുങ്ങിയ മുകളിലാണ് ഇപ്പോള് പ്രവര്ത്തിക്കുന്നത്. നിലവിലെ സാഹചര്യമനുസരിച്ച് സാമൂഹ്യ അകലം നടത്താന് പറ്റാത്ത അവസ്ഥയിലാണ്. ഇത്തരം സാഹചര്യത്തിലാണ് കൃഷിഭവന് മാറ്റുന്നത്. മന്ത്രി ടി എന് പ്രതാപനോടൊപ്പം പ്രസിഡന്റ് ബുഷറ കുന്നമ്പത്ത്, ജില്ലാ പഞ്ചായത്ത് മെമ്പര് ആയിഷ, ബ്ലോക്ക് മെമ്പര് ഉമ്മര് മുക്കണ്ടത്, പഞ്ചായത്ത് വൈസ് പ്രസിഡണ്ട് ഐ പി രാജേന്ദ്രന്, വാര്ഡ് മെമ്പര് ആര് പി ബഷീര്, ക്ഷേമകാര്യ വികസന ചെയര്മാന് പി വി ശിവാനന്ദന്, പഞ്ചായത്ത് മെമ്പര് ഉമ്മര് അറക്കല്, പഞ്ചായത്ത് സെക്രട്ടറി പി ബി സുഭാഷ് എന്നിവരും ഉണ്ടായിരുന്നു.