തിരുവോണം ബമ്പര് ഭാഗ്യക്കുറിയുടെ ഭാഗ്യശാലി ഈ നമ്പറിന്റെ ടിക്ക്റ്റ് ഉടമ. ഒന്നാം സമ്മാനമായ 12 കോടി രൂപ TB 173964 എന്ന ടിക്കറ്റിനാണ് അടിച്ചിരിക്കുന്നത്. ഉച്ചയ്ക്കു രണ്ടു മണിക്ക് തിരുവനന്തപുരം ഗോര്ഖി ഭവനില് വച്ചാണ് നറുക്കെടുപ്പ് നടന്നത്. സംസ്ഥാന ഭാഗ്യക്കുറി വകുപ്പിന്റെ ചരിത്രത്തിലെ ഏറ്റവും ഉയര്ന്ന സമ്മാനത്തുകയാണ് കഴിഞ്ഞ വര്ഷം മുതല് ഓണം ബമ്പറിന് നല്കി വരുന്നത്. 12 കോടി രൂപയാണ് ഒന്നാം സമ്മാന അര്ഹന് ലഭിക്കുന്നത്. രണ്ടാം സമ്മാനമായി ഒരു കോടി വീതം ആറുപേര്ക്കും, മൂന്നാം സമ്മാനമായി 10 ലക്ഷം രൂപ വീതം 12 പേര്ക്കും ലഭിക്കും. തിരുവോണം ബമ്പര് ഭാഗ്യക്കുറിക്ക് ഇത്തവണ മികച്ച വില്പനയാണ് ഉണ്ടായത്. 44.10 ലക്ഷം ടിക്കറ്റുകള് അച്ചടിച്ചത് വിറ്റു പോയിരുന്നു. നാലു ഘട്ടങ്ങളിലായി അച്ചടിച്ച 42 ലക്ഷം ടിക്കറ്റുകളും വ്യാഴാഴ്ചയോടെ വിറ്റുതീര്ന്നിരുന്നു. ആവശ്യക്കാര് ഏറിയതോടെ 2.1 ലക്ഷം ടിക്കറ്റുകള് വീണ്ടും അച്ചടിച്ചു. ശനിയാഴ്ചയും വിവിധ ജില്ലാ ഓഫീസുകള് പ്രവര്ത്തിച്ചാണ് വിതരണം നടത്തിയത്.