ഗുരുവായൂര് ക്ഷേത്രത്തില് വഴിപാട് സമര്പ്പണമായി പഴകിയതും ഉപയോഗശൂന്യവുമായ അവില് സമര്പ്പിക്കുന്നത് നിരുല്സാഹപ്പെടുത്തണമെന്ന് ദേവസ്വം. ഗുണമേന്മ കുറഞ്ഞതും പഴകിയതുമായ അവില് സമര്പ്പിക്കുന്നത് ആവര്ത്തിക്കുന്ന സാഹചര്യത്തിലാണ് ദേവസ്വം നിര്ദേശം. ഭക്ഷ്യ സുരക്ഷ ചട്ടങ്ങള് പാലിക്കാതെ തുണിയിലും കവറിലും പൊതിഞ്ഞ അവിലുകള് സമര്പ്പിക്കുന്നത് ഭക്തര് ഒഴിവാക്കണമെന്ന് ദേവസ്വം അഭ്യര്ത്ഥിച്ചു. ഗുണമേന്മയുള്ള അവില് സമര്പ്പണത്തിന് ലഭ്യമാക്കാന് നടപടി സ്വീകരിക്കുമെന്ന് ദേവസ്വം ചെയര്മാന് ഡോ.വി.കെ.വിജയന്, അഡ്മിനിസ്ട്രേറ്റര് ഒ.ബി.അരുണ്കുമാര് എന്നിവര് അറിയിച്ചു.
ADVERTISEMENT
