ചാവക്കാട് ദേശീയപാത 66 മണത്തലയില് ഓടിക്കൊണ്ടിരുന്ന മിനി ടെമ്പോ ടയര് പൊട്ടിത്തെറിച്ചു മറിഞ്ഞു. പൊന്നാനി ഭാഗത്ത് നിന്നും പെരുമ്പാവൂരിലേക്ക് കശുവണ്ടിയുടെ തോട് (ഷെല്ലുകള്) കയറ്റി പോവുകയായിരുന്ന മിനി ടെമ്പോയാണ് മണത്തല മസ്ജിദിനു സമീപം ദേശീയപാതയില് മറിഞ്ഞത്. ഇന്ന് രാവിലെ എട്ടുമണിയോടെയായിരുന്നു അപകടം. ചാവക്കാട് പോലീസ് സ്ഥലത്തെത്തി ക്രെയിന് ഉപയോഗിച്ച് വാഹനം റോഡില് നിന്നും നീക്കി. വാഹനത്തിലുണ്ടായിരുന്ന പരിക്കേറ്റ പെരുമ്പാവൂര് സ്വദേശികളായ വേണാട്ട് അബ്ദുറഹിമാന് (54), വാത്തയില് നാസര് (53) എന്നിവരെ മണത്തല ലാസിയോ ആമ്പുലന്സ് പ്രവര്ത്തകര് ചാവക്കാട് ഹയാത് ആശുപത്രിയില് പ്രവേശിപ്പിച്ചു.
ADVERTISEMENT
