എളവള്ളി ഗ്രാമപഞ്ചായത്തില് വിദ്യാര്ത്ഥികള്ക്കായി സൗജന്യ നീന്തല് പരിശീലനം സംഘടിപ്പിച്ചു. ദുരന്തനിവാരണ പദ്ധതിയില് ഉള്പ്പെടുത്തിയാണ് പരിശീലനത്തിന്റെ തുക വകയിരുത്തിയത്. ഒന്നര ഏക്കര് വിസ്തൃതിയുള്ള ഇന്ദ്രാചിറയിലാണ് പരിശീലനം നടത്തിയത്. നീന്തല് പരിശീലനത്തിന്റെ സമാപനം എളവള്ളി ഗ്രാമപഞ്ചായത്ത് പ്രസിഡണ്ട് ജിയോ ഫോക്സ് ഉദ്ഘാടനം ചെയ്തു. ആരോഗ്യ- വിദ്യാഭ്യാസ സ്ഥിരം സമിതി ചെയര്മാന് ടി.സി.മോഹനന് അധ്യക്ഷനായി. ക്ഷേമകാര്യ സ്ഥിരം സമിതി ചെയര്പേഴ്സന് എന്.ബി.ജയ, ജനപ്രതിനിധികളായ ശ്രീബിത ഷാജി, സൗമ്യ രതീഷ്, ഷാലി ചന്ദ്രശേഖരന്, പി.എം.അബു, രാജി മണികണ്ഠന് എന്നിവര് സംസാരിച്ചു.
ADVERTISEMENT
