കടപ്പുറം പഞ്ചായത്തിലെ ആറാം വാര്‍ഡ് ചേറ്റുവ പാടം പ്രദേശത്ത് 14 സെന്റ് ഭൂമി വഴിക്കായി വിട്ടു നല്‍കിയപ്പോള്‍ റോഡ് സൗകര്യം സാധ്യമായതിന്റെ ആശ്വാസത്തിലും, ആഹ്ലാദത്തിലുമാണ് പ്രദേശവാസികള്‍. കടപ്പുറം പഞ്ചായത്ത് മുന്‍ വൈസ് പ്രസിഡണ്ട് പി.കെ.മൊയ്തുണ്ണി ഹാജിയുടെ മക്കളായ സുല്‍ഫിക്കര്‍ ഹാജി , ഷെരീഫ്, നൂര്‍ജഹാന്‍,ശിഹാബുദ്ദീന്‍ എന്നിവര്‍ 12 സെന്ററും,കുറുപ്പത്ത് കായില്‍ ബക്കര്‍ 2 സെന്ററും സംയുക്തമായി ചേര്‍ന്ന് 14 സെന്റ് ഭൂമി ദാനമായി നല്‍കിയപ്പോഴാണ് നിരവധി വീടുകളിലേക്ക് 10 അടി വീതിയില്‍ റോഡ് യാഥാര്‍ത്ഥ്യമാകുന്നത്. ഭൂമിയുടെ രേഖകള്‍ കടപ്പുറം പഞ്ചായത്ത് പ്രസിഡണ്ടിന് എം.എ.സുല്‍ഫിക്കര്‍ ഹാജി, റിഷാല്‍ അണ്ടിപാട്ടില്‍ എന്നിവര്‍ ചേര്‍ന്ന് കൈമാറി.
ADVERTISEMENT
