ശബരിമല വെര്‍ച്വല്‍ ക്യൂ ബുക്കിങ് നാളെ മുതല്‍. ശബരിമലയിലെ മണ്ഡല, മകരവിളക്ക് തീര്‍ഥാടന കാലത്തേക്കുള്ള വെര്‍ച്വല്‍ ക്യൂ ബുക്കിങ് നാളെ ആരംഭിക്കും. രാവിലെ 10നാണ് ബുക്കിങ്ങ് ആരംഭിക്കുന്നത്. സ്പോട്ട് ബുക്കിങ് കേന്ദ്രങ്ങളും ഉണ്ടാകും. 66,000 പേര്‍ക്ക് വെര്‍ച്വല്‍ ക്യൂവിലും 14,000 പേര്‍ക്ക് സ്പോട്ട് ബുക്കിങ്ങിലൂടെയും ദിവസവും ദര്‍ശനം നടത്താം. ഹൈക്കോടതി നിര്‍ദേശം ഉള്ളതിനാല്‍ പമ്പയില്‍ സ്പോട്ട് ബുക്കിങ് ഇല്ല. വെര്‍ച്വല്‍ ബുക്കിങ് സൗജന്യമാണ്. ഭക്തര്‍ക്ക് പില്‍ഗ്രിം റിലീഫ് ഫണ്ടിലേക്കും ശുചിത്വപരിപാലനത്തിന് ജനറല്‍ ഫണ്ടിലേക്കും 5 രൂപ മുതല്‍ എത്ര തുകയും സംഭാവന നല്‍കാം. എന്നാല്‍ ഇതു നിര്‍ബന്ധമല്ല.
ADVERTISEMENT
