ഗുരുവായൂര് ക്ഷേത്രത്തില് പ്രതീകാത്മകമായി ആനയെ നടയിരുത്തി. രാവിലെ ശീവേലിക്ക് ശേഷം മേല്ശാന്തി മൂര്ത്തിയേടത്തു മന സുധാകരന് നമ്പൂതിരിയുടെ മുഖ്യകാര്മികത്വത്തിലാണ് ചടങ്ങ് നടന്നത്. മാവനല് ഗ്രാനൈറ്റ്സ് പ്രൈവറ്റ് ലിമിറ്റഡ് മാനേജിങ്ങ് ഡയറക്ടര് പത്തനംതിട്ട കലഞ്ഞൂര് സ്വദേശി കെ.എന് മധുസൂദനനും കുടുംബവുമാണ് പ്രതീകാത്മക നടയിരുത്തല് നിര്വഹിച്ചത്. ഇതിനായി പത്തുലക്ഷം രൂപ ദേവസ്വത്തിലടച്ചു. ദേവസ്വം കൊമ്പന് ബല്റാമിനെയാണ് നടയിരുത്തിയത്. ദേവസ്വം ചെയര്മാന് ഡോ.വി.കെ.വിജയന്, ദേവസ്വം ഭരണസമിതി അംഗങ്ങളായ മല്ലിശ്ശേരി പരമേശ്വരന് നമ്പൂതിരിപ്പാട്, കെ.പി.വിശ്വനാഥന്, കെ.എസ്. ബാലഗോപാല് , അഡ്മിനിസ്ട്രേറ്റര് ഒ.ബി. അരുണ്കുമാര്, ക്ഷേത്രം ഡെപ്യൂട്ടി അഡ്മിനിസ്ട്രേറ്റര് പ്രമോദ് കളരിക്കല്, ജീവധനം ഡപ്യൂട്ടി അഡ്മിനിസ്ട്രേറ്റര് എം.രാധ, അസി.മാനേജര്മാരായ സി.ആര് ലെജുമോള്, സുന്ദരരാജന്, പാരമ്പര്യവകാശികളായ മാദേമ്പാട്ട് ചന്ദ്രശേഖരന് നമ്പ്യാര്, കണ്ടിയൂര് പട്ടം വാസുദേവന് നമ്പീശന് എന്നിവര് ചടങ്ങില് സന്നിഹിതരായിരുന്നു.
