വീടിന്റെ മച്ചിലെ രഹസ്യ അറയില്‍ ഒളിച്ചിരുന്ന വധശ്രമകേസ് പ്രതിയെ തൃത്താല പോലീസ് അതിസാഹസികമായി പിടികൂടി. കപ്പൂര്‍ കാഞ്ഞിരത്താണി സ്വദേശിയായി റാഫി എന്ന സുല്‍ത്താന്‍ റാഫിയെ ആണ് തൃത്താല പോലീസ് പിടികൂടിയത്. ഈ മാസം നാലിന് തൃത്താല ഞാങ്ങാട്ടിരിയിലാണ് കേസിനാസ്പദമായ സംഭവം നടന്നത്. നാല് പേര്‍ ചേര്‍ന്ന് സുല്‍ത്താന്‍ റാഫിയുടെ സുഹൃത്തിനെ കളിയാക്കുകയും ഇതില്‍ പ്രകോപിതനായ റാഫിയും സുഹൃത്തുക്കളും ഈ നാല് പേരെയും കാഞ്ഞിരത്താണിയിലേക്ക് വിളിച്ച് വരുത്തി ക്രൂരമായി മര്‍ദ്ദിക്കുകയും ആയുധം കൊണ്ട് പരിക്കേല്‍പ്പിക്കുകയും ചെയ്തിരുന്നു. ഈ സംഭവത്തില്‍ പോലിസ് റാഫിക്കെതിരെ കേസെടുത്തെങ്കിലും ഇയാളെ കണ്ടെത്താനായിരുന്നില്ല. റാഫി കാഞ്ഞിരത്താണിയിലെ വസതിയിലുണ്ടെന്ന രഹസ്യ വിവരം ലഭിച്ചതോടെ പോലീസ് ഇയാളുടെ വീട്ടിലെത്തി നടത്തിയ തിരച്ചിലാണ് സാഹസികമായി പ്രതിയെ പിടികൂടിയത്.
ADVERTISEMENT
