പെരുമ്പിലാവ് അന്‍സാര്‍ വിമന്‍സ് കോളേജ് എന്‍.എസ്.എസ് യൂണിറ്റും അന്‍സാര്‍ ആശുപത്രിയും സംയുക്തമായി മെഡിക്കല്‍ ക്യാമ്പ് നടത്തി. പങ്കാളിത്ത ഗ്രാമമായ കോട്ടോലിലെ വായനശാലയില്‍ വെച്ച് നടത്തിയ മെഡിക്കല്‍ ക്യാമ്പ്, കടവല്ലൂര്‍ ഗ്രാമ പഞ്ചായത്ത് സെക്രട്ടറി കെ എ ഉല്ലാസ് കുമാര്‍ ഉദ്ഘാടനം ചെയ്തു. വാര്‍ഡ് അംഗം നിഷ സുബ്രഹ്‌മണ്യന്‍ അധ്യക്ഷത വഹിച്ചു. അന്‍സാര്‍ ആശുപത്രിയിലെ ഗൈനക്കോളജി വിഭാഗം ഡോക്ടര്‍ സുറുമി മാമു, ശിശുരോഗ വിദഗ്ധ ഡോക്ടര്‍ സിനീഷ എന്‍ എ എന്നിവര്‍ നേതൃത്വം നല്‍കി. അന്‍സാര്‍ വിമന്‍സ് കോളേജ് പ്രിന്‍സിപ്പല്‍ ജെ ഫരീദ, വായനശാല പ്രസിഡന്റ് വി എസ് സുമിത്ത്, സെക്രട്ടറി പ്രദീഷ് എ എം എന്നിവര്‍ സംസാരിച്ചു. ഡോക്ടര്‍ സുറുമി മാമു ബോധവല്‍ക്കരണ ക്ലാസ്സ് നടത്തി. എന്‍.എസ്.എസ് പ്രോഗ്രാം ഓഫിസര്‍ ഹസീന നൗഷാദ് സ്വാഗതവും വളന്റിയര്‍ ഫാത്തിമ നൗറിന്‍ നന്ദിയും പറഞ്ഞു.
ADVERTISEMENT
