പുന്നയൂര്‍കുളം ഗ്രാമപഞ്ചായത്ത് ജനകീയാസൂത്രണം 2024-25 ന്റെ ഭാഗമായി മത്സ്യത്തൊഴിലാളികളുടെ മക്കള്‍ക്ക് മേശയും കസേരയും വിതരണം ചെയ്തു. അണ്ടത്തോട് വി.പി. മാമു സ്മാരക കമ്മ്യൂണിറ്റി ഹാളില്‍ വെച്ച് നടത്തിയ
പദ്ധതിയുടെ വിതരണ ഉദ്ഘാടണം ഗ്രാമപഞ്ചായത്ത് പ്രസിഡന്റ് ജാസ്മിന്‍ ഷഹീര്‍ നിര്‍വഹിച്ചു. ചടങ്ങില്‍ വൈസ് പ്രസിഡന്റ് ഇ കെ നിഷാര്‍ അധ്യക്ഷത വഹിച്ചു. വാര്‍ഡ് മെമ്പര്‍ പി.എസ്. അലി, പദ്ധതി നിര്‍വഹണ ഉദ്യോഗസ്ഥനായ ടോണി ജോസഫ് എന്നിവര്‍ പങ്കെടുത്തു. തുടര്‍ന്ന് മത്സ്യത്തൊഴിലാളികള്‍ക്കുള്ള ബോധവത്ക്കരണ ക്ലാസും ഉണ്ടായിരുന്നു. 15 പേര്‍ക്ക് 6000 രൂപ വിലവരുന്ന മേശയും കസേരയുമാണ് വിതരണം ചെയ്തത്.
ADVERTISEMENT
