നിര്‍ധനരായ ഭവന രഹിതര്‍ക്ക് തൃശ്ശൂര്‍ ഹ്യൂമാനിറ്റി ചാരിറ്റബിള്‍ ട്രസ്റ്റ് നിര്‍മ്മിച്ച് നല്‍കുന്ന ആദ്യത്തെ വീടിന്റെ താക്കോല്‍ദാന ചടങ്ങ് ചേലക്കര എം.എല്‍.എ യു.ആര്‍ പ്രദീപ് ഉദ്ഘാടനം ചെയ്തു. വരവൂര്‍ തളി പിലാക്കാട് ചിറപ്പറമ്പില്‍ സിദ്ധിഖ്-റംല ദമ്പതികള്‍ക്കാണ് വീട് നിര്‍മ്മിച്ച് നല്‍കിയത്. ട്രസ്റ്റ് പ്രസിഡന്റ് കെ.ജെ.തോമസ് ചടങ്ങിന് അധ്യക്ഷനായി. വരവൂര്‍ പഞ്ചായത്ത് പ്രസിഡന്റ് പി.പി. സുനിത, ട്രസ്റ്റ് സെക്രട്ടറി കെ.കെ.ഹക്കീം, പഞ്ചായത്തംഗം വീരചന്ദ്രന്‍,അജിത് കുമാര്‍ മല്ലയ്യ, ശങ്കരന്‍കുട്ടി, കാടാമ്പുഴ മോഹനന്‍, ശ്രീജ പുല്‍പ്പള്ളി തുടങ്ങിയവര്‍ പങ്കെടുത്തു.
ADVERTISEMENT
