സംസ്ഥാനത്ത് അതിശക്തമായ മഴ തുടരുന്നു. കോഴിക്കോട്, വയനാട്, കണ്ണൂര് എന്നീ മൂന്ന് ജില്ലകളില് ഇന്ന് റെഡ് അലര്ട്ടാണ്. തൃശ്ശൂര്, മലപ്പുറം, കാസര്കോട് ജില്ലകളില് ഓറഞ്ച് അലര്ട്ടും, മറ്റ് ജില്ലകളില് യെല്ലോ അലര്ട്ടും പ്രഖ്യാപിച്ചിട്ടുണ്ട്. അതിശക്തമായ മഴ തുടരുന്ന സാഹചര്യത്തില് കണ്ണൂര്, വയനാട്, കോട്ടയം, കോഴിക്കോട് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ഇന്ന് അവധി നല്കിയിട്ടുണ്ട്.ബംഗാള് ഉള്ക്കടലിന് മുകളിലായി ഇന്ന് മറ്റൊരു ന്യൂനമര്ദ്ദം കൂടി രൂപപ്പെടാന് സാധ്യതയുള്ളതിനാല് കേരളത്തില് അടുത്ത 5 ദിവസം വ്യാപകമായ മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. കേരള, ലക്ഷദ്വീപ് തീരങ്ങളില് മത്സ്യബന്ധനത്തിന് വിലക്കുണ്ട്. കേരള തീരത്ത് കള്ളക്കടല് മുന്നറിയിപ്പും പുറപ്പെടുവിച്ചിട്ടുണ്ട്.
ADVERTISEMENT
