മുള്ളൂര്‍ക്കര വാഴക്കോട് പ്രവര്‍ത്തിക്കുന്ന ഖാന്‍ പെട്രോള്‍ പമ്പിന് തീപിടിച്ചു. ചൊവ്വാഴ്ച്ച രാവിലെ 10.30 ഓടെയാണ് സംഭവം. വടക്കാഞ്ചേരിയില്‍ നിന്ന് എത്തിയ പോലീസും, രണ്ട് യൂണിറ്റ് അഗ്‌നിരക്ഷാസേനയും തീ അണക്കാനുള്ള രക്ഷാക്രമീകരണങ്ങള്‍ നടത്തിവരുന്നു. തൃശൂര്‍ – ഷോര്‍ണൂര്‍ സംസ്ഥാനപാതയില്‍ പോകുന്ന എല്ലാ വാഹനങ്ങളും പല സ്ഥലങ്ങളിലായി തിരിച്ചുവിട്ടു. പോലീസ് പ്രദേശത്ത് വാഹനങ്ങള്‍ക്കും ആളുകള്‍ക്കും നിരോധനം ഏര്‍പ്പെടുത്തി. തീപിടുത്തത്തിന്റെ കാരണം സംബന്ധിച്ച വിവരങ്ങള്‍ ലഭ്യമായിട്ടില്ല.
