തൃശൂര്‍ കുറ്റിപ്പുറം സംസ്ഥാനപാതയിലെ തൃശൂര്‍ മലപ്പുറം ജില്ലാ അതിര്‍ത്തിയായ കടവല്ലൂര്‍ പാടത്തെ റോഡിലെ വിള്ളല്‍ അപകട ഭീഷണിയാകുന്നു. റോഡിനു നടുവിലെ പാലത്തിന് മുകളിലാണ് വിള്ളല്‍ കണ്ടെത്തിയത്. കഴിഞ്ഞ ദിവസങ്ങളില്‍ ചെറുതായി കണ്ടിരുന്ന വിള്ളല്‍ കൂടുതല്‍ സ്ഥലത്തേക്ക് വ്യാപിച്ചത് ആശങ്ക ഉയര്‍ത്തുകയാണ്. നിലവില്‍ ഈ പാലത്തിന് അടിഭാഗത്ത് പലയിടങ്ങളിലായി കോണ്‍ക്രീറ്റ് അടര്‍ന്നു കമ്പികള്‍ പുറത്ത് വന്ന നിലയിലാണ്. പാലത്തിന്റെ ഉറപ്പ് പരിശോധിച്ച് പൊളിച്ച് പണിയുന്നതിന് ആവശ്യമായ നടപടികള്‍ ബന്ധപ്പെട്ട അധികൃതര്‍ സ്വീകരിക്കണമെന്നാണ് നാട്ടുകാരുടെ ആവശ്യം.
