മുണ്ടത്തിക്കോട് ഡി.വി.എല്‍.പി. സ്‌കൂളില്‍ പുതുതായി നിര്‍മ്മിച്ച പാചകപുരയുടെ ഉദ്ഘാടനം എം.എല്‍.എ. സേവിയര്‍ ചിറ്റിലപ്പിള്ളി നിര്‍വഹിച്ചു. എംഎല്‍എയുടെ 22-23 വര്‍ഷത്തെ ആസ്തി വികസന ഫണ്ടില്‍ നിന്നും അനുവദിച്ച 10 ലക്ഷം രൂപ വിനിയോഗിച്ചാണ് കെട്ടിടം നിര്‍മിച്ചത്. നഗരസഭ ചെയര്‍മാന്‍ പി.എന്‍.സുരേന്ദ്രന്‍ അധ്യക്ഷത വഹിച്ചു. ചടങ്ങില്‍ കെട്ടിടം നിര്‍മ്മിച്ച കരാറുകാരന്‍ രമേഷ്‌കുമാറിനെ എം.എല്‍.എ ആദരിച്ചു. ഡിവിഷന്‍ കൗണ്‍സിലര്‍ കെ.ഗോപാലകൃഷ്ണന്‍ , എസ്.എസ്.ജി. മുന്‍ ചെയര്‍മാന്‍ രാജൂ മാരാത്ത്, ഗീത ദിവാകരന്‍ , മാനേജര്‍ കെ.ഹരിദാസ്, ജി.പി.ശ്രെയസ്, കെ ഗിരിജ, എ. രാജലക്ഷ്്മി, പി.ഗംഗാധരന്‍ മാസ്റ്റര്‍, എം.പി.ടി.എ പ്രസിഡന്റ് ചാന്ദിനി തുടങ്ങിയവര്‍ സംസാരിച്ചു. പുതിയ പാചക പുരയില്‍ പാകം ചെയ്ത സദ്യ കഴിച്ചാണ് എല്ലാവരും മടങ്ങിയത്.
