കടമെടുത്ത് സംസ്ഥാനത്തെ കടക്കെണിയിലാക്കുക എന്നതാണ് പിണറായി സര്‍ക്കാരിന്റെ മുഖമുദ്രയെന്ന് ബി.ജെ.പി സംസ്ഥാന വക്താവ് അഡ്വ. വി.പി ശ്രീപത്മനാഭന്‍. തകര്‍ന്നു തരിപ്പണമായ തൃശൂര്‍ – കുന്നംകുളം റോഡ് പുനര്‍ നിര്‍മ്മിക്കുക, സംസ്ഥാന സര്‍ക്കാര്‍ അനാസ്ഥ അവസാനിപ്പിക്കുക എന്നി ആവശ്യങ്ങള്‍ ഉന്നയിച്ച് ബി.ജെ.പി ജില്ലാ കമ്മിറ്റിയുടെ നേതൃത്വത്തില്‍ സംഘടിപ്പിച്ച ഏകദിന ഉപവാസ സമരത്തിന്റെ സമാപന സമ്മേളനത്തില്‍ മുഖ്യ പ്രഭാഷണം നിര്‍വ്വഹിക്കുകയായിരുന്നു അദ്ദേഹം.
