എഴുത്തുകാരനും സാംസ്കാരിക പ്രവര്ത്തകനുമായ കെ ജെ ബേബി(70) അന്തരിച്ചു. വയനാട് ചീങ്ങോട്ടെ നടവയലിലെ വീടിനോട് ചേര്ന്ന കളരിയില് ഞായറാഴ്ച രാവിലെ മരിച്ച നിലയില് കണ്ടെത്തുകയായിരുന്നു. നാടക കലാകാരന്, സാഹിത്യകാരന്, ബദല് വിദ്യാഭ്യാസ പ്രവര്ത്തകന് എന്ന നിലയിലെല്ലാം കെ ജെ ബേബി സ്വന്തം ഇടപെടലുകള് അടയാളപ്പെടുത്തിയിരുന്നു. വയനാട്ടിലെ ആദിവാസി വിദ്യാര്ത്ഥികളുടെ ബദല് വിദ്യാഭ്യാസ പ്രവര്ത്തനങ്ങളില് കെ ജെ ബേബി സജീവമായി ഇടപെട്ടിരുന്നു. കെ ജെ ബേബിയുടെ മാവേലി മന്റം എന്ന നോവലിന് കേരള സാഹിത്യ അക്കാദമി അവാര്ഡും മുട്ടത്തുവര്ക്കി അവാര്ഡും ലഭിച്ചിരുന്നു.
ADVERTISEMENT
