പരിക്കേറ്റ് കണ്ണീരോടെ മടങ്ങിയ ലിയോണല് മെസിക്ക്, അവസാന ടൂര്ണമെന്റ് ആഘോഷമാക്കിയ ഏഞ്ചല് ഡി മരിയക്ക് സമ്മാനമായി അര്ജന്റീനയുടെ കോപ്പ അമേരിക്ക 2024 കിരീടധാരണം. ഇരു ടീമും അക്കൗണ്ട് തുറക്കാതിരുന്ന 90 മിനുറ്റുകള്ക്ക് ശേഷമുള്ള എക്സ്ട്രാടൈമില് പകരക്കാരനായി ഇറങ്ങിയ ലൗട്ടാരോ മാര്ട്ടിനസ് (112-ാം മിനുറ്റ്) നേടിയ ഏക ഗോളിലാണ് അര്ജന്റീനയുടെ കിരീടധാരണം. അര്ജന്റീനയുടെ തുടര്ച്ചയായ രണ്ടാം കോപ്പ കിരീടമാണിത്.
