രണ്ട് ദിവസങ്ങളിലായി നടന്ന പെരുമ്പടപ്പ് നൂണക്കടവ് ചന്ദനക്കുടം നേര്ച്ചയാഘോഷം സമാപിച്ചു. ഞായര്, തിങ്കള് ദിവസങ്ങളിലായിരുന്നു ആഘോഷം. ഞായറാഴ്ച്ച വൈകീട്ട് 4.30ന് തവളക്കുന്ന് പ്രദേശത്ത് നിന്നു അറബന, ദഫ് മുട്ട്, മുട്ടും വിളി, കോല്ക്കളി എന്നിവയുടെ അകമ്പടിയോടെ നടത്തിയ താബൂത്ത് കാഴ്ച്ച 5 മണിയോടെ പള്ളിയില് എത്തുകയും കൊടിയേറ്റം നടത്തുകയും ചെയ്തു. താബൂത്ത് കാഴ്ച്ചക്ക് കരീബിയന്സ് കമ്മിറ്റി നേതൃത്വം നല്കി. തുടര്ന്ന് രാത്രി വിവിധ കമ്മിറ്റികളുടെ കാഴ്ചകള് പള്ളി അങ്കണത്തില് എത്തിച്ചേര്ന്നു. തിങ്കളാഴ്ച്ച രാവിലെ 9 മുതല് അര്ദ്ധരാത്രി വരെ വിവിധ പ്രദേശങ്ങളില് നിന്നുള്ള 18 ഓളം കമ്മിറ്റികളുടെ നേതൃത്വത്തില് കാഴ്ചകള് ഉണ്ടായി. കാഴ്ച്ചയില് പേരും പ്രശസ്തിയും തലയെടുപ്പുമുള്ള 11 ഗജവീരന്മാര് അണിനിരന്നു.
ADVERTISEMENT
