ശബരിമല സ്വര്ണ്ണക്കാള്ള കേസ് പ്രതിയും തിരുവിതാംകൂര് ദേവസ്വം ബോര്ഡ് മുന് പ്രസിഡന്റുമായ പി എസ് പ്രശാന്ത് ആശുപത്രിയില്. തലച്ചോറില് രക്തസ്രാവം ഉണ്ടായതിനെത്തുടര്ന്നാണ് തിരുവനന്തപുരം മെഡിക്കല് കോളേജില് ആശുപത്രിയില് പ്രവേശിപ്പിച്ചത്. മള്ട്ടി സ്പെഷ്യാലിറ്റി ബ്ലോക്കിലാണ് അഡ്മിറ്റ് ചെയ്തിരിക്കുന്നത്. ശബരിമല സ്വര്ണ്ണക്കൊള്ള കേസില് അറസ്റ്റിലായി തിരുവനന്തപുരത്തെ ജയിലില് കഴിയുകയായിരുന്നു പി എസ് പ്രശാന്ത്.
ഇക്കഴിഞ്ഞ ജൂലൈ 23-ാം തീയതിയായിരുന്നു പ്രശാന്തിനെ പ്രത്യേക അന്വേഷണ സംഘം അറസ്റ്റ് ചെയ്തത്. 2025ല് ദ്വാരപാലക പാളികള് സ്വര്ണം പൂശാന് കൊണ്ടുപോയതുമായി ബന്ധപ്പെട്ട കേസിലായിരുന്നു അറസ്റ്റ്. 2025ല് ദ്വാരപാലക വിഗ്രഹങ്ങള് ചെന്നൈയിലേക്ക് കൊണ്ടുപോയത് 2019ല് നടന്ന സ്വര്ണ അപഹരണം മറച്ചുവെയ്ക്കാനുള്ള ഗൂഢാലോചനയുടെ ഭാഗമെന്നായിരുന്നു എസ്ഐടിയുടെ കണ്ടെത്തല്. ഈ നടപടിക്ക് ആവശ്യമായ ഭരണാനുമതികള് നല്കുന്നതിലും ഫയല് നടപടികളിലും അന്നത്തെ ദേവസ്വം ബോര്ഡ് നേതൃത്വത്തിന്റെ പങ്ക് അന്വേഷണത്തില് കണ്ടെത്തിയെന്നും എസ്ഐടി പറഞ്ഞിരുന്നു.
