കാലവര്‍ഷത്തിന് മുന്നോടിയായി മഴ ആരംഭിച്ച സാഹചര്യത്തില്‍ ഉണ്ടായേക്കാവുന്ന ദുരന്തങ്ങളേയും മറ്റ് പ്രശ്‌നങ്ങളേയും വിലയിരുത്തി കര്‍മ്മപദ്ധതികള്‍ രൂപീകരിക്കാന്‍ വേണ്ടിയുള്ള പ്രത്യേക യോഗം കണ്ടാണശ്ശേരി പഞ്ചായത്ത് കോണ്‍ഫറന്‍സ് ഹാളില്‍ ചേര്‍ന്നു.
ജനപ്രതിനിധികള്‍, പഞ്ചായത്ത് സെക്രട്ടറി, ആരോഗ്യ പ്രവര്‍ത്തകര്‍, മറ്റ് വകുപ്പ് ഉദ്യോഗസ്ഥര്‍, അധ്യാപകര്‍, ആശ – അങ്കണവാടി പ്രവര്‍ത്തക പ്രതിനിധികള്‍ ,സന്നദ്ധ സംഘടന പ്രതിനിധികള്‍ തുടങ്ങിയവര്‍ യോഗത്തില്‍ പങ്കെടുത്തു. പഞ്ചായത്ത് പ്രസിഡണ്ട് മിനി ജയന്‍ അധ്യക്ഷയായി. പഞ്ചായത്ത് സെക്രട്ടറി സി.ഒ.ആന്റോ ,വൈസ് പ്രസിഡണ്ട് എന്‍.എസ് .ധനന്‍ തുടങ്ങിയവര്‍ നേതൃത്വം നല്‍കി.
ADVERTISEMENT
