കുന്നംകുളം താലൂക്കില്‍ വിവിധ കാരണങ്ങളാല്‍ റേഷന്‍കടയില്‍ മസ്റ്ററിംങ് ചെയ്യാന്‍ സാധിക്കാത്ത പിങ്ക് മഞ്ഞ കാര്‍ഡിലുള്‍പ്പെട്ട അംഗങ്ങള്‍ക്കായി ഒക്ടോബര്‍ 27 ഞായറാഴ്ച കുന്നംകുളം താലൂക്ക് സപ്ലൈ ഓഫീസില്‍ വെച്ച് മസ്റ്ററിങ്ങ് ക്യാമ്പ് സംഘടിപ്പിക്കും. രാവിലെ 10 മണി മുതല്‍ വൈകീട്ട് 4 മണി വരെ ഐറിസ് സ്‌കാനര്‍ സംവിധാനം ഉപയോഗിച്ചായിരിക്കും മസ്റ്ററിങ് ക്യാമ്പ് സംഘടിപ്പിക്കുക. ഇനിയും മസ്റ്ററിങ്ങ് പൂര്‍ത്തീകരിക്കാത്തവര്‍ക്ക് ഈ സൗകര്യം പ്രയോജനപ്പെടുത്താവുന്നതാണെന്ന് കുന്നംകുളം താലൂക്ക് സപ്ലൈ ഓഫീസര്‍ അറിയിച്ചു.
