വിദ്യാര്‍ത്ഥികള്‍ കഥയും കവിതയുമെന്ന സര്‍ഗ്ഗലോകത്തേക്ക് മടങ്ങി വെളിച്ചത്തെ കണ്ടെത്തണമെന്ന് പ്രശസ്ത സാഹിത്യകാരന്‍ പി സുരേന്ദ്രന്‍. പെരുമ്പിലാവ് അന്‍സാര്‍ കാമ്പസില്‍ ഐ പി എച്ച് പുസ്തകമേള ഉത്ഘാടനം ചെയ്തു സംസാരിക്കുകയായിരുന്നു അദ്ദേഹം. അന്‍സാരി ചാരിറ്റബിള്‍ ട്രസ്റ്റ് ആക്ടിംഗ് ചെയര്‍മാന്‍ എം.ഐ. അബ്ദുള്‍ അസീസ് അധ്യക്ഷത വഹിച്ചു. അന്‍സാര്‍ സ്‌ക്കൂള്‍ വിദ്യാര്‍ത്ഥികളായ ദിയ സെറിന്‍ , ആയിഷ സെഹറ എന്നിവര്‍ രചിച്ച പുസ്തകങ്ങളുടെ പ്രകാശന കര്‍മ്മം എം.ഐ. അബ്ദുള്‍ അസീസില്‍ നിന്നും എ എ ഹലീമും , ഡോ മഹ് മൂദ് ശിഹാബില്‍ നിന്നും ഷാജുമുഹമ്മദുണ്ണിയും ഏറ്റുവാങ്ങിക്കൊണ്ട് നിര്‍വ്വഹിച്ചു. സ്‌കൂള്‍ ഡയറക്ടര്‍ ഡോക്ടര്‍ നജീബ് മുഹമ്മദ്, ഇസ് ലാമിക വിജ്ഞാന കോശം എക്‌സിക്യൂട്ടീവ് എഡിറ്റര്‍ ഡോ. എ.എ ഹലീം, ഐപിഎച്ച് ജില്ലാ കോഡിനേറ്റര്‍ ഇ എ റഷീദ് തുടങ്ഹിയവര്‍ സംസാരിച്ചു.
ADVERTISEMENT
