ബംഗാള് ഉള്ക്കടലിന് മുകളില് ആന്ധ്രാ- ഒഡീഷ തീരത്തിന് സമീപം ന്യൂനമര്ദം രൂപപ്പെട്ടതിനാല് കേരളത്തില് കൂടുതല് പ്രദേശങ്ങളില് മഴയ്ക്ക് സാധ്യത. രണ്ട് ജില്ലകളില് മഴ മുന്നറിയിപ്പ്. പത്തനംതിട്ട, ആലപ്പുഴ, കോട്ടയം, എറണാകുളം, തൃശ്ശൂര്, മലപ്പുറം, കോഴിക്കോട്, വയനാട്, കണ്ണൂര്, കാസറകോട് ജില്ലകളില് ഒറ്റപ്പെട്ടയിടങ്ങളില് ഇടത്തരം മഴയ്ക്കും മണിക്കൂറില് 40 കിലോമീറ്റര് വരെ വേഗതയില് കാറ്റിനും സാധ്യതയുണ്ട്. കണ്ണൂര്, കാസര്കോട് ജില്ലകളിലാണ് നിലവില് മഴ മുന്നറിയിപ്പ് നിലനില്ക്കുന്നത്. ഇരു ജില്ലകളിലും യെല്ലോ അലേര്ട്ടും പ്രഖ്യാപിച്ചിട്ടുണ്ട്.
ADVERTISEMENT
