1924-ല്‍ സ്ഥാപിതമായ കൂനംമുച്ചി സെന്റ്. ഫ്രാന്‍സിസ് സേവിയേഴ്സ് ഇടവക ദൈവാലയത്തിന്റെ ശതാബ്ദി വര്‍ഷ ആഘോഷ സമാപനവും, 100-ാമത് ഇടവക സ്ഥാപന തിരുന്നാളും, നവീകരിച്ച മോണ്ടകത്തിന്റെ വെഞ്ചിരിപ്പും ആഗസ്റ്റ് 15ന് നടത്തുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. ശതാബ്ദി ആഘോഷങ്ങളുടെ ഭാഗമായി തിങ്കളാഴ്ച വൈകീട്ട് 5 മണിക്ക് നടന്ന വൈദിക സന്യസ്ത സംഗമത്തിന് കൂനംമൂച്ചി ഇടവകാംഗങ്ങളായ, ഇടവകയില്‍ നിന്നും മാമോദീസ സ്വീകരിച്ച, ഇടവകയില്‍ സേവനം ചെയ്ത എല്ലാ വൈദികരും സിസ്റ്റേഴ്സും പങ്കെടുത്തു. സീറോ മലബാര്‍ സഭാധ്യക്ഷന്‍ മാര്‍ റാഫേല്‍ തട്ടില്‍ വി.കുര്‍ബാനക്ക് നേതൃത്വം നല്‍കി.
