മലയാളത്തിന്റെ സാംസ്കാരിക-സാഹിത്യ മേഖലകളില് അനശ്വര സംഭാവനകള് നല്കിയ അര്ണോസ് പാതിരി വേലൂരില് താമസിച്ചിരുന്ന ഭവനം ജീര്ണാവസ്ഥയില്. പരാതി നല്കിയിട്ടും നടപടിയെടുക്കുന്നില്ലെന്ന് അധികൃതര്. ഇപ്പോള് പുരാവസ്തു വകുപ്പിന്റെ സംരക്ഷണത്തിലുള്ള അര്ണ്ണോസ് ഭവനത്തിന്റെ ജീര്ണ്ണാവസ്ഥയെക്കുറിച്ച് വേലൂരിലെ ജോണ് കള്ളിയത്ത് മാസ്റ്റര് പുരാവസ്തു വകുപ്പിന് പരാതി നല്കിയിരുന്നു. അപ്പോള് കോവിഡ് കാലം കഴിഞ്ഞാല് ഉടന് ശരിയാക്കാം എന്ന മറുപടിയാണ് ലഭിച്ചത്. എന്നാല് നടപടിയുണ്ടായില്ല. പുരാവസ്തു വകുപ്പിന്റെ അനാസ്ഥ നിമിത്തം ഇപ്പോള് ഏതാണ്ട് തകര്ന്നുവീഴാറായ സ്ഥിതിയിലാണ് ഈ പൈതൃക കേന്ദ്രം. കെട്ടിടത്തെ താങ്ങി നിര്ത്തുന്ന ഉത്തരങ്ങള് ചിതലരിച്ച നിലയിലാണ്. എത്രയും പെട്ടെന്ന് അറ്റകുറ്റപ്പണികള് നടത്തി കെട്ടിടം സംരക്ഷിക്കണമെന്ന് വികാരി റാഫേല് താണിശ്ശേരി ആവശ്യപ്പെട്ടു
