അന്താരാഷ്ട്ര ലഹരി വിരുദ്ധ ദിനാചരണത്തിന്റെ ഭാഗമായി കുന്നംകുളം ഗുഡ്ഷെപ്പേര്ഡ് സി.എം.ഐ. സ്കൂളില് ലഹരിക്കെതിരായ ഒപ്പുശേഖരണ പരിപാടി സംഘടിപ്പിച്ചു. സ്കൂള് പ്രിന്സിപ്പല് ഫാ: ഡോ: ജോസ് താണിക്കല് സി.എം.ഐ പരിപാടി ഉദ്ഘാടനം ചെയ്തു. വിദ്യാര്ത്ഥികള്, അധ്യാപകര്, രക്ഷിതാക്കള് എന്നിവര് ലഹരിവിമുക്തമായ സമൂഹത്തിനുവേണ്ടിയുള്ള കൂട്ടായ്മയില് പങ്കു ചേര്ന്നു. ഗുഡ് ഷെപ്പേര്ഡ് ഐ.ടി.സി ഡയറക്ടര് ഫാ: ജോഷി പാലിയേക്കര ലഹരിവിരുദ്ധ സന്ദേശം നല്കി. ലഹരിയുടെ ദൂഷ്യഫലങ്ങളെക്കുറിച്ച് ബോധവത്കരണം നടത്തുകയും ലഹരിമുക്ത സമൂഹത്തിനായി ഒരുമിച്ച് പ്രവര്ത്തിക്കുമെന്ന പ്രതിജ്ഞയെടുക്കുകയും ചെയ്തു. തുടര്ന്ന് ലഹരിക്കെതിരെ കുട്ടികള് ഫ്ലാഷ് മോബ് അവതരിപ്പിച്ചു.
ADVERTISEMENT
