കാക്കശ്ശേരി വൈലിക്കുളങ്ങരെക്ഷേത്രത്തില്‍ നവരാത്രി വിളക്കെഴുന്നള്ളിപ്പിന് തുടക്കമായി. താലത്തിന്റെയും വാദ്യമേളങ്ങളുടെയും അകമ്പടിയോടെ പുവ്വത്തൂര്‍ സുബ്രഹ്‌മണ്യന്‍ കോവിലില്‍ നിന്നും . ഇന്ദ്രാം ചിറ അയ്യപ്പസ്വാമി ക്ഷേത്രത്തില്‍ നിന്നും. ശക്തി ഭൈരവി ക്ഷേത്രത്തില്‍ നിന്നും. പുറപ്പെട്ട വിളക്ക് എഴുന്നുള്ളിപ്പുകളില്‍ നമ്പിയങ്കാവ് പാര്‍വ്വതി ദേവി,അഘോരി ഗണേശന്‍ എന്നി ആനകള്‍ തിടമ്പേറ്റി . മേളത്തിന് പറമ്പന്‍തളി ശ്രീകുമാറും സംഘവും നേതൃത്വം നല്‍കി. ക്ഷേത്രത്തിലെ നവരാത്രി ആഘോഷങ്ങള്‍ ക്ഷേത്ര കമ്മിറ്റി പ്രസിഡണ്ട് പി എ ബാലന്‍ ഉദ്ഘാടനം ചെയ്തു. ഘടസ്ഥാപന ചടങ്ങിന് മേല്‍ശാന്തി പ്രിനില്‍ ചേര്‍ത്തല കാര്‍മികത്വം വഹിച്ചു. സെന്റര്‍, അനശ്വര, സൗഹൃദ, തപസ്യ , വെസ്റ്റ് എന്നി സമുദായങ്ങളുടെ അഭിമുഖ്യത്തില്‍ എല്ലാദിവസങ്ങളിലും വൈകീട്ട് പ്രസാദ ഊട്ടുണ്ടായിരുന്നു. പരിപാടികള്‍ക്ക് ക്ഷേത്ര കമ്മിറ്റി ഭാരവാഹികളായ പി എ സുരേന്ദ്രരന്‍, ഷാബി പി കെ, മുരളി പുതുമനശ്ശേരി, പ്രകാശന്‍ കെ എന്‍ ,ലയേഷ് ഗോകുലന്‍, സുനില്‍ പിച്ചൊള്ളി, സുനിഷ് കരുമത്തില്‍, എന്നിവര്‍ നേതൃത്വം നല്‍കി. 21ന് രാവിലെ വിദ്യാരംഭം ഉച്ചയ്ക്ക് പ്രസാദഊട്ട് എന്നിവയുണ്ടാകും.
