മരത്തംകോട് സെന്റ് ഗ്രീഗോറിയോസ് ഓര്‍ത്തഡോക്‌സ് സിറിയന്‍ പള്ളിയുടെ വെള്ളിത്തിരുത്തി മാര്‍ ഗ്രീഗോറിയോസ് കുരിശുപള്ളി പെരുന്നാളിന് തുടക്കമായി. ശനിയാഴ്ച വൈകീട്ട് 6ന് പ്രദക്ഷിണം, സന്ധ്യാ നമസ്‌ക്കാരം, ആശീര്‍വാദം തുടര്‍ന്ന് വിവിധ ആഘോഷ കമ്മിറ്റികളുടെ പെരുന്നാള്‍ എഴുന്നള്ളിപ്പ് എന്നിവ ഉണ്ടായി. ഞായറാഴ്ച വൈകീട്ട് 5 മണിക്ക് ധൂപ പ്രാര്‍ത്ഥന, ആശീര്‍വാദം, പൊതു സദ്യ എന്നിവയും ഉണ്ടാകും. പരിപാടികള്‍ക്ക് വികാരി ഫാ.സക്കറിയ കൊള്ളന്നൂര്‍, കൈസ്ഥാനി സി.സി തോമസ്, സെക്രട്ടറി ജിയോ.കെ.വില്‍സന്‍, മാനേജിങ് കമ്മറ്റി അംഗങ്ങള്‍ തുടങ്ങിയവര്‍ നേതൃത്വം നല്‍കും.
