പോര്ക്കുളം മാര് കൂറിലോസ് മൊമ്മോറിയല് അപ്പര് പ്രൈമറി സ്കൂളിലെ പൂര്വ്വ വിദ്യാര്ത്ഥികളുടെയും, മുന് അധ്യാപകരുടെയും സംഗമം ഞായറാഴ്ച്ച നടക്കുമെന്ന് സംഘാടകര് വാര്ത്താ സമ്മേളനത്തില് അറിയിച്ചു. 121 വര്ഷം പിന്നിടുന്ന വിദ്യാലയത്തില്, ആദ്യാക്ഷരം കുറിച്ചവരും, അറിവിന്റെ അഗ്നി പകര്ന്ന ആദ്യകാല അധ്യാപകരും ഉച്ചയ്ക്ക് 2 മണിയ്ക്ക് ചേരുന്ന സംഗമത്തില് സംബന്ധിക്കും. നിലവില് പഠനം നടത്തുന്ന കുട്ടികളുടെ രക്ഷിതാക്കളില് 80 ശതമാനത്തിലേറെയും ഇതേ വിദ്യാലയത്തിലെ പൂര്വ്വ വിദ്യാര്ത്ഥികളാണ്. നൂറ് കണക്കിന് വിദ്യാര്ത്ഥികളും അധ്യാപകരും പങ്കെടുക്കുന്ന പൂര്വ്വ അധ്യാപക-വിദ്യാര്ത്ഥി സംഗമത്തിലേക്ക്, വിദ്യാലയത്തില് പഠിച്ചവരെയും പഠിപ്പിച്ചവരെയും ക്ഷണിക്കുന്നതായി മലബാര് സ്വതന്ത്ര സുറിയാനി സഭ എഡ്യുക്കേഷന് കമ്മിറ്റി സെക്രട്ടറി ബിനോയ് മാത്യു,സ്കൂള് പ്രധാന അധ്യാപിക സ്റ്റെനി .കെ.സ്റ്റീഫന്, സ്റ്റാഫ് സെക്രട്ടറി ജുഷ കെ.ജോസ് പി.ടി.എ. പ്രസിഡണ്ട് കെ.കെ.രതീഷ് എന്നിവര് വാര്ത്താ സമ്മേളനത്തില് പറഞ്ഞു.
