കുമ്മായ സബ്സിഡി ലഭ്യമാക്കുക കര്ഷകരെ ബുദ്ധിമുട്ടിലാക്കുന്ന വിള ഇന്ഷൂറന്സ് അടിയന്തിരമായി വിതരണം ചെയ്യുക തുടങ്ങിയ മുദ്രാവാക്യങ്ങള് ഉയര്ത്തി കേരള കര്ഷകസംഘം മണലൂര് ഏരിയ കമ്മിറ്റിയുടെ നേതൃത്വത്തില് മുല്ലശ്ശേരി ബ്ലോക്ക് പഞ്ചായത്തിലെ എ ഡി എ ഓഫീസിലേക്ക് മാര്ച്ച് നടത്തി. ഓഫീസിന് മുന്നില് നടന്ന പൊതുയോഗം ജില്ല സെക്രട്ടറി എ എസ് കുട്ടി ഉദ്ഘാടനം ചെയ്തു. ഏരിയ പ്രസിഡണ്ട് എ കെ ഹുസൈന് അധ്യക്ഷനായി. സംസ്ഥാന കമ്മിറ്റിയംഗം ടി വി ഹരിദാസന്, ജില്ല എക്സിക്യുട്ടീവ് അംഗം ലതി വേണുഗോപാല്, ഏരിയ സെക്രട്ടറി വി എന് സുര്ജിത്ത്, കെ വി ഷിജു എന്നിവര് സംസാരിച്ചു.
ADVERTISEMENT
