വടക്കേക്കാട് ജനമൈത്രി പോലീസും, റാഹാ ലാബും സംയുക്തമായി സുരക്ഷിതമായ റോഡുകള്, ആരോഗ്യമുള്ള ഡ്രൈവര്മാര് എന്ന എന്ന സന്ദേശത്തോടെ പുന്നയൂര് പഞ്ചായത്തിലെ ഓട്ടോ-ടാക്സി ഡ്രൈവര്മാര്ക്കായി പ്രീ-സ്ക്രീനിംഗ് ലബോറട്ടറി പരിശോധനകള് നടത്തി. വടക്കേക്കാട് എസ്.ഐ. സാബു പി.എസ് ക്യാമ്പയിന് ഉല്ഘാടനം ചെയ്തു. പുന്നയൂര് പഞ്ചായത്ത് വികസന കാര്യ സ്റ്റാന്റിംഗ് കമ്മറ്റി ചെയര്മാന് കെ.എ. വിശ്വനാഥന് മുഖ്യാതിഥിയായി. മനാഫ് അഹമ്മദ് , ജസ്റ്റിന് പോള് ചെറുവത്തൂര്, ടിന മോഹന് എന്നിവര് സംസാരിച്ചു. പോലീസ് പ്രതിനിധികള്, ഓട്ടോ ടാക്സി ഡ്രൈവര്മാര്, നാട്ടുകാര് തുടങ്ങിയവര് പങ്കെടുത്തു. ക്യാമ്പയിന്റെ ഭാഗമായി പ്രമേഹ, കൊളസ്ട്രോള്, വൃക്ക, യൂറിക് ആസിഡ് , ഫാറ്റി ലിവര്, രക്തസമ്മര്ദം, സന്ധി വേദന തുടങ്ങിയ വിഭാഗങ്ങളിലെ പരിശോധനകളാണ് സൗജന്യമായി ഓട്ടോ ടാക്സി ഡ്രൈവര്മാര്ക്കായി നടത്തിയത്. ഫെബ്രുവരി 19 മുതല് 22 വരെയുള്ള ദിവസങ്ങളില് എടക്കരയില് ഉള്ള റാഹാ ലാബില് വെച്ച് ക്യാമ്പയിന്റെ ഭാഗമായ പരിശോധനകള് നടത്താവുന്നതാണെന്ന് സംഘാടകര് അറിയിച്ചു.
