കലാമേളയുടെ സമാപന ദിനത്തില്‍ പ്രധാന വേദിയില്‍ അരങ്ങേറിയ തിരുവാതിരക്കളി മത്സരം ശ്രദ്ധേയമായി. നിറഞ്ഞ സദസ്സിന് മുന്നില്‍ നടന്ന മത്സരത്തില്‍ തനിമയും താളവും ഒത്തിണങ്ങിയ ചുവടുകളുമായി മത്സരാര്‍ത്ഥികള്‍ മികച്ച പ്രകടനം കാഴ്ചവെച്ചു. കൃത്യസമയത്ത് ആരംഭിച്ച മത്സരം കാണാന്‍ വേദിക്ക് മുന്നില്‍ വലിയ ജനക്കൂട്ടമാണ് എത്തിയത്. മത്സരാര്‍ത്ഥികളുടെ ചുവടുകള്‍ക്ക് നിറഞ്ഞ കയ്യടിയോടെയായിരുന്നു സദസ്സിന്റെ പ്രതികരണം. കലാരംഗത്തെ പ്രഗത്ഭരായ വിധികര്‍ത്താക്കള്‍ മത്സരങ്ങള്‍ വിലയിരുത്തി. ഓരോ ടീമിന്റെയും മികച്ച പ്രകടനം കലോത്സവത്തിന്റെ സമാപന ദിനത്തിന് കൂടുതല്‍ നിറപ്പകിട്ടേകി.
ADVERTISEMENT
