സൈനുദ്ദീന്‍ ഖുറൈഷി രചിച്ച റുഹാനി എന്ന കഥാ സമാഹാരത്തിന്റെ പ്രകാശനം മെയ് 12 ന് നടക്കും. പുസ്തക പ്രകാശനത്തിന്റെ ഭാഗമായി സംഘാടക സമിതി രൂപീകരിച്ചു സംഘാടക സമിതിരൂപീകരണ യോഗം പി.ജി സുബിദാസ് ഉദ്ഘാടനം ചെയ്തു ഡോ. വിനു വടേരി അദ്ധ്യക്ഷനായി.ആര്‍ എ അബ്ദുള്‍ ഹക്കീം, സി.ടി ജാന്‍സി മാസ്റ്റര്‍, ടി.എസ് സനു എന്നിവര്‍ സംസാരിച്ചു. മെയ് 12 ന് പുവ്വത്തൂര്‍ വ്യാപാര ഭവനില്‍ വൈകീട്ട് 4 ന് നടക്കുന്ന ചടങ്ങ് പ്രശസ്ത സംവിധായകന്‍ പി.ടി കുഞ്ഞുമുഹമ്മദ് ഉദ്ഘാടനം ചെയ്യും. കവി ഡോ. സി രാവുണി പുസ്തക പ്രകാശനം നിര്‍വ്വഹിക്കും. ജില്ലാ പഞ്ചായത്ത് അംഗം അഡ്വ : മുഹമ്മദ് ഗസ്സാലി, എഴുത്തുക്കാരന്‍ പ്രസാദ് കാക്കശ്ശേരി തുടങ്ങി സാമൂഹിക സാംസ്‌കാരിക രാഷ്ട്രീയ രംഗത്തെ പ്രമുഖര്‍ പങ്കെടുക്കും പുരോഗമന കലാ സാഹിത്യ സംഘം ചിറ്റാട്ടുകര മേഖല കമ്മിറ്റിയുടെ നേതൃത്വത്തിലാണ് പുസ്തക പ്രകാശന കര്‍മ്മം സംഘടിപ്പിക്കുന്നത്.
