തങ്ങളുടെ സമ്പാദ്യ കുടുക്കകള്‍ മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവന നല്‍കി വേലൂര്‍ സെന്റ് സേവിയേഴ്‌സ് യുപി സ്‌കൂളിലെ വിദ്യാര്‍ഥികള്‍ മാതൃകയായി. അശ്വഘോഷ് പി എ, അനശ്വര്‍ പി എ, വേദ പി എ എന്നിവരാണ് സ്വരുക്കൂട്ടിയ സമ്പാദ്യം കൈമാറിയത്. വേലൂര്‍ പഞ്ചായത്ത് പ്രസിഡന്റ് ടി ആര്‍ ഷോബി, സ്‌കൂള്‍ മാനേജര്‍ ഫാ. റാഫേല്‍ താണിശ്ശേരി എന്നിവര്‍ തുകയേറ്റു വാങ്ങി. വാര്‍ഡ് മെമ്പര്‍ വിജിനി ഗോപി, പിടിഎ പ്രസിഡന്റ് വിജോയ് വിന്‍സെന്റ്, എച്ച് എം -ഇന്‍ ചാര്‍ജ്ജ് സിജി, അധ്യാപിക ജിന്‍സി എന്നിവര്‍ സംസാരിച്ചു.
