ഓള്‍ കേരള റീട്ടെയില്‍ റേഷന്‍ ഡീലേഴ്‌സ് അസോസിയേഷന്‍ ചാവക്കാട് താലൂക്ക് സമ്മേളനം നടന്നു. മുതുവട്ടൂര്‍ ശിക്ഷക് സദനില്‍ നടന്ന സമ്മേളനം എ കെ ആര്‍ ആര്‍ ഡി എ സംസ്ഥാന ജനറല്‍ സെക്രട്ടറി ടി മുഹമ്മദ്ദാലി ഉദ്ഘാടനം ചെയ്തു. എ കെ ആര്‍ ആര്‍ ഡി എ ചാവക്കാട് താലൂക്ക് പ്രസിഡന്റ് പി കെ സത്യന്‍ അധ്യക്ഷത വഹിച്ചു. തൃശ്ശൂര്‍ ജില്ലാ പ്രസിഡന്റ് സെബാസ്റ്റ്യന്‍ ചൂണ്ടല്‍ മുഖ്യപ്രഭാഷണം നടത്തി. ചാവക്കാട് താലൂക്ക് ട്രഷറര്‍ വി.ജെ ജോണി റിപ്പോര്‍ട്ട് അവതരിപ്പിച്ചു. വൈസ് പ്രസിഡന്റുമാരായ കെ ഡി വീരമണി, എ സോമസുന്ദര്‍, എക്‌സിക്യൂട്ടീവ് മെമ്പര്‍ ഉമ്മര്‍ മുക്കണ്ടത്ത് എന്നിവര്‍ ആശംസകള്‍ അറിയിച്ചു . സെക്രട്ടറി ഗോപാലകൃഷ്ണന്‍ സ്വാഗതവും ജോയിന്റ് സെക്രട്ടറി രാജീവ് നന്ദിയും പറഞ്ഞു. ചടങ്ങില്‍ മുതിര്‍ന്ന റേഷന്‍ വ്യാപാരികളെ ആദരിച്ചു.
ADVERTISEMENT
