അപകട ഭീഷണിയായി റോഡിലേക്ക് ചാഞ്ഞുനിന്നിരുന്ന മരശിഖരങ്ങള്‍ മുറിച്ചുമാറ്റി. സംസ്ഥാന പാതയില്‍ പെരുമ്പിലാവ് മുതല്‍ കടവല്ലൂര്‍ പാടം വരെ നിരവധി പാഴ് മരങ്ങള്‍ അപകട ഭീഷണിയുയര്‍ത്തുന്നതായി സിസി ടീവി വാര്‍ത്ത നല്‍കിയിരുന്നു. ഇതിന്റെ അടിസ്ഥാനത്തിലാണ് പഞ്ചായത്തിന്റെ ഇടപെടലിനെ തുടര്‍ന്ന് കെ. എസ്. ടി. പി അധികൃതര്‍ മരത്തിന്റെ ശിഖരങ്ങള്‍ മുറിച്ച് മാറ്റിയത്. തിരക്കേറിയ സംസ്ഥാന പാതയില്‍ പോലീസും നാട്ടുകാരും ചേര്‍ന്ന് ഗതാഗതം നിയന്ത്രിച്ചു. വരും ദിവസങ്ങളിലും പാതയോരത്ത് അപകട ഭീഷണിയായി നിലകൊള്ളുന്ന മരശിഖരങ്ങള്‍ മുറിക്കാനുള്ള നടപടി സ്വീകരിക്കുമെന്ന് അധികൃതര്‍ അറിയിച്ചു
