സംയുക്ത ട്രേഡ് യൂണിയന്റെ നേതൃത്വത്തില് നടക്കുന്ന 24 മണിക്കൂര് ദേശീയ പണിമുടക്കിന്റെ ഭാഗമായി എളവള്ളി പഞ്ചായത്ത് കമ്മറ്റിയുടെ നേതൃത്വത്തില് പൂവ്വത്തൂര് പോസ്റ്റ് ഓഫീസിലേക്ക് മാര്ച്ച് സംഘടിപ്പിച്ചു. പുവ്വത്തൂര് ബസ്സ് സ്റ്റാന്റില് നിന്നും ആരംഭിച്ച പ്രകടനം പോസ്റ്റ് ഓഫീസിന് മുന്നില് സമാപിച്ചു. സി ഐ ടി യു കേന്ദ്ര കമ്മറ്റി അംഗം കെ.കെ പ്രസന്നകുമാരി മാര്ച്ചിന്റെ ഉദ്ഘാടനം നിര്വ്വഹിച്ചു. സി ഐ ടി യു മണലൂര് ഏരിയ കമ്മിറ്റി അംഗം പി.ജി സുബിദാസ് അധ്യക്ഷനായി. പി.എ ഷൈന്, ബി.ആര് സന്തോഷ്, സി.കെ രമേഷ്, കെ.എസ്, പ്രമോദ്, ടി എസ് സജു , എന് ബി ജയ, സി എഫ് രാജന്, കെ.കെ മനോജ്, ടി.ഡി സുനില്, ശ്രീബിത ഷാജി എന്നിവര് സംസാരിച്ചു.
ADVERTISEMENT
