കാട്ടകാമ്പാല് പഞ്ചായത്ത് സി.പി.ഐ മുന് ലോക്കല് സെക്രട്ടറിയായിരുന്ന എം .എ രാജന് അനുസ്മരണവും അനുമോദന സദസ്സും നടത്തി. സിപിഐ കാട്ടകാമ്പാല് ലോക്കല് കമ്മിറ്റിയുടെ ആഭിമുഖ്യത്തില് പഴഞ്ഞി മഹാന് ഓഡിറ്റോറിയത്തില് നടന്ന ചടങ്ങ് കെ.കെ വത്സരാജ് എം.എല്. എ ഉദ്ഘാടനം ചെയ്തു. രാജ്യത്തെ രാഷ്ട്രീയം വളരെ ശ്രദ്ധയോടെ നിരീക്ഷിക്കുന്നവരാണ് ഇന്ത്യയിലെ വിദ്യാര്ത്ഥികള് എന്ന് കേന്ദ്ര മന്ത്രിധര്മ്മേന്ദ്ര പ്രധാന്റെ രാജിയോടെ നമ്മള് കണ്ടുകഴിഞ്ഞുവെന്നും ഏകാധിപത്യ ഭരണ സംവിധാനത്തെ സമരത്തിലൂടെ മുട്ടുകുത്തിക്കുകയാണ് വിദ്യാര്ത്ഥികള് ഈ സമരത്തിലൂടെ നടത്തിയതെന്നും എം എല് എ പറഞ്ഞു.ലോകത്തിന്റെ വിവിധ ഭാഗങ്ങളില് ഇന്ത്യക്കാരായ വലിയൊരു ജനവിഭാഗത്തിന്റെ പിന്തുണ ഈ സമരം നേടിയെടുക്കുകയുമാണ് ചെയ്തതെന്ന് സിപിഐ സംസ്ഥാന സെക്രട്ടറിയേറ്റ് അംഗം കൂടിയായ കെ കെ വത്സരാജ് അഭിപ്രായപ്പെട്ടു. ഷാജി ജോര്ജിന്റെ അദ്ധ്യക്ഷതയില് നടന്ന അനുസ്മരണയോഗത്തില് ലോക്കല് സെക്രട്ടറി പി.കെ രവീന്ദ്രന് , പ്രേംരാജ് ചൂണ്ടലാത്ത്, കെ.ടി ഷാജന് മാസ്റ്റര്, ബബിത ഫിലോ എന്നിവര് സംസാരിച്ചു. തുടര്ന്ന് പഞ്ചായത്താലെ കലാ-കായിക രംഗത്ത് മികവു പ്രകടിപ്പിച്ചവരേയും, വിദ്യാഭ്യാസ രംഗത്ത് ഉയര്ന്ന മാര്ക്ക് നേടിയ വിാര്ത്ഥികളേയും ഉപഹാരം നല്കി ആദരിച്ചു.
