മലബാര് സ്വതന്ത്ര സുറിയാനി സഭ പോര്ക്കുളം മാര് ആദ്ദായ് ശ്ലീഹായുടെ പള്ളിപ്പെരുന്നാള് ബുധന് , വ്യാഴം ദിവസങ്ങളിലായി ആഷോഷിക്കും. ബുധനാഴ്ച വൈകിട്ട് 6.45 ന് സഭാ പരമദ്ധ്യക്ഷന് സിറിള് മാര് ബസ്സേലിയോസ് മെത്രാപ്പോലിത്തിയുടെ മുഖ്യ കാര്മ്മീകത്വത്തില് സന്ധ്യാ നമസ്കാരവും, 7.45 ന് പ്രദക്ഷണവും, 8 മണിക്ക് സ്ലീബാമുത്ത്, ആശീര്വ്വാദം എന്നിവയും നേര്ച്ച വിളമ്പലും നടക്കും, രാത്രി പതിനഞ്ചോളം ആഘോഷ കമ്മിറ്റികളുടെ എഴുന്നെള്ളിപ്പുകള് ആരംഭിച്ച് പുലര്ച്ചെ പള്ളിയില് സമാപിക്കും. വ്യാഴാഴ്ച രാവില പ്രഭാതപ്രാര്ത്ഥനയെ തുടര്ന്ന് വിശുദ്ധ മൂന്നിന്മേല് കുര്ബാനയും ധൂപപ്രാര്ത്ഥന, സ്ലീബാ മുത്ത് , നേര്ച്ചവിളമ്പല് എന്നിവ നടക്കും. ഫാദര് തോമസ് കുരിയന്, ഫാദര് ഗീവര്ഗ്ഗീസ് മൈക്കില് എന്നിവര് സഹകാര്മ്മികരാകും. ഉച്ച മുതല് ആനയും വാദ്യഘോഷങ്ങളുമായുള്ള എഴുന്നെള്ളിപ്പുകള് ആരംഭിച്ച് പള്ളിയിലെത്തി സമാപിക്കും. 4.30 ന് പ്രദക്ഷിണം, ശ്ലൈഹീക വാഴ്വ് ,ശേഷം പൊതു സദ്യയും ഉണ്ടായിരിക്കും , വികാരി ഫാദര് ഗീവര്ഗ്ഗീസ് ചെമ്മണ്ണൂര്, സെക്രട്ടറി സി.കെ ഡേവീസ് ട്രഷറര് എം .കെ ജോളി എന്നിവരടങ്ങുന്ന കമ്മിറ്റി നേതൃത്വം നല്കും.
