ചാവക്കാട് ബ്ലാങ്ങാട് ജി.എഫ്.യു.പി സ്‌കൂളില്‍ സംഘടിപ്പിച്ച കലയുടെ സര്‍ഗവസന്തം മേള കുട്ടികളുടെ അവതരണ മികവില്‍ ശ്രദ്ധേയമായി. മേളയുടെയുടെ ഉദ്ഘാടനം നഗരസഭാധ്യക്ഷ ഷീജ പ്രശാന്ത് നിര്‍വ്വഹിച്ചു. നന്മയുള്ള നാടിന് മേന്മയുള്ള വിദ്യാലയം എന്ന ലക്ഷ്യത്തിലേയ്ക്ക് നയിക്കുന്ന സര്‍ഗവസന്തത്തില്‍ എ സ്മാര്‍ട്ട് ഫ്രണ്ട്, സര്‍ഗദീപ്തി രക്ഷാകര്‍തൃ ദിനം, എന്നീ പരിപാടികളാണ് സംഘടിപ്പിച്ചത്. എസ്.എം.സി ചെയര്‍പേഴ്‌സണ്‍ വിബിത ടി.വി യോഗത്തില്‍ അധ്യക്ഷത വഹിച്ചു. അമ്മമാരുടെ രചന സമാഹാരം ‘നിലാമലരുകള്‍’ എഴുത്തുകാരിയും മുന്‍ പ്രധാനാധ്യാപികയുമായ ടി.ഗീത പ്രകാശനം ചെയ്തു.
