പാലപ്പെട്ടി പുതിയിരുത്തിയില്‍ റോഡ് മുറിച്ചു കടക്കുന്നതിനിടെ കാര്‍ ഇടിച്ച് വിദ്യാര്‍ത്ഥി മരിച്ചു..പുതിയിരുത്തി സ്വദേശി എരച്ചം വീട്ടില്‍ അലി-സുലൈഖ ദമ്പതികളുടെ മകന്‍ 10 വയസുള്ള അമല്‍ ആണ് മരിച്ചത്. റോഡ് മുറിച്ചു കടക്കാന്‍ ശ്രമിച്ച അമലിനെ കാര്‍ ഇടിച്ചാണ് അപകടമുണ്ടായത്.അപകടത്തില്‍ ഗുരുതരമായി പരിക്കുപറ്റിയ അമലിനെ വെളിയങ്കോട് അല്‍-ഫസാ ആംബുലന്‍സ് പ്രവര്‍ത്തകര്‍ ചാവക്കാട് ഹയാത്ത് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. പോലീസ് നടപടി ക്രമങ്ങള്‍ക്ക് ശേഷം പുതിയിരുത്തി ജുമാ മസ്ജിദ് കബര്‍സ്ഥാനില്‍ കബറടക്കം നടത്തും. ഹംന, ഷഹമ, ഷഹല്‍ എന്നിവര്‍ സഹോദരങ്ങളാണ്.
