പെരുമ്പടപ്പ് ബ്ലോക്ക് പഞ്ചായത്തിന്റെ ബഡ്‌സ് സ്‌കൂളായ സ്‌പെക്ട്രം സ്‌പെഷ്യല്‍ സ്‌കൂളിലെ കുട്ടികളുടെ ചെണ്ട് മല്ലി കൃഷി ബ്ലോക്ക് പഞ്ചായത്ത് പ്രസിഡന്റ് അഡ്വാക്കറ്റ് ഇ. സിന്ധു ഉദ്ഘാടനം നിര്‍വ്വഹിച്ചു.ബ്ലോക്ക് പഞ്ചായത്ത് വൈസ് പ്രസിഡന്റ് സൗദാമിനി , മാറഞ്ചേരി ഡിവിഷന്‍ മെമ്പര്‍ നൂറുദ്ധീന്‍ പോഴത്ത് , പരിച്ചകം ഹെല്‍ത്ത് സെന്റര്‍ മെഡിക്കല്‍ ഓഫീസര്‍ ഡോക്ടര്‍ ആതിര , പ്രധാനാധ്യാപിക ആയിഷ , മാറഞ്ചേരി കുടുംബശ്രീ സി ഡി എസ് ഫൗസിയ , പി ടി എ പ്രസിഡന്റ് താഹിറ , സുബൈദ, അധ്യാപകര്‍ , രക്ഷിതാക്കള്‍ , കുട്ടികള്‍ എന്നിവര്‍ പങ്കെടുത്തു . കുടുംബശ്രീയുടെ സഹായത്തോടെയാണ് പൂ കൃഷി നടത്തിയത് . പൂക്കള്‍ കുടുംബശ്രി ഓണചന്തയില്‍ വില്‍പന നടത്തും. ആദ്യ വില്‍പന ബ്ലോക്ക് പഞ്ചായത്ത് വൈസ് പ്രസിഡന്റ് സൗദാമിനി പൂക്കള്‍ വാങ്ങി വില്‍പ്പന നിര്‍വ്വഹിച്ചു. കുട്ടികളുടെ തൊഴില്‍ പരിശീലനത്തിന്റെ ഭാഗമായാണ് കൃഷി നടത്തുന്നത്.
