കാല്‍നടയാത്രക്കാരും ഇരുചക്രവാഹനങ്ങളും ദുരിതത്തില്‍. നഗരസഭ ടൗണ്‍ ഹാളിന് മുന്നിലെ ചെറിയ ഇടുങ്ങിയ റോഡ് പൂര്‍ണ്ണമായും തകര്‍ന്ന് ചളിക്കുളമായി മാറി. കഴിഞ്ഞ ദിവസങ്ങളില്‍ പെയ്ത ശക്തമായ മഴയെ തുടര്‍ന്നാണ് റോഡില്‍ വലിയ ഗര്‍ത്തങ്ങള്‍ രൂപപ്പെട്ടതും വെള്ളക്കെട്ടുണ്ടായതും. ഇതോടെ ഈ വഴിയിലൂടെയുള്ള യാത്ര അതീവ ദുഷ്‌കരമായിരിക്കുകയാണ്. പുതിയ ബസ് സ്റ്റാന്‍ഡിലേക്കും നഗരത്തിന്റെ മറ്റ് പ്രധാന ഭാഗങ്ങളിലേക്കും ഇരുചക്രവാഹനങ്ങള്‍ക്ക് എളുപ്പത്തില്‍ പ്രവേശിക്കാന്‍ സാധിക്കുന്ന ഒരു പ്രധാന ലിങ്ക് റോഡാണിത്. വലിയ വാഹനങ്ങളുടെ തിരക്കില്ലാതെ യാത്ര ചെയ്യാമെന്നതിനാല്‍ ഒട്ടനവധി ഇരുചക്രവാഹന യാത്രക്കാരാണ് പ്രതിദിനം ഈ റോഡിനെ ആശ്രയിക്കുന്നത്. കൂടാതെ, ടൗണ്‍ ഹാള്‍ പരിസരത്ത് സജീവമായ ഓട്ടോറിക്ഷ പാര്‍ക്കിംഗും ഈ ഇടുങ്ങിയ റോഡിലാണ് സ്ഥിതി ചെയ്യുന്നത്.
ADVERTISEMENT
