കാട്ടകാമ്പാല്‍ വൈ.എം. സി.എയുടെ ആഭിമുഖ്യത്തില്‍ സൗജന്യ മെഡിക്കല്‍ ക്യാമ്പും, മരുന്നു വിതരണവും നടത്തി. വൈ. എം .സി . എ ഹാളില്‍ നടത്തിയ ക്യാമ്പിന്റെ ഉദ്ഘാടനം കാട്ടകാമ്പാല്‍ പഞ്ചായത്ത് പ്രസിഡണ്ട് കെ ജയശങ്കര്‍ നിര്‍വ്വഹിച്ചു.വൈ. എം സി എ പ്രസിഡണ്ട് സി.സി മോഹനന്‍ മാസ്റ്റര്‍ അധ്യക്ഷത വഹിച്ചു. നാഷ്ണല്‍ മുന്‍ പ്രസിഡണ്ട് ബഞ്ചമിന്‍ കോശി വിശിഷ്ടാതിഥിയായി. ഐ. എം. എ പ്രസിഡണ്ട് ഡോക്ടര്‍ താജ് പോള്‍, വ്യാപാരി വ്യവസായി ഏകോപന സമിതി ചിറക്കല്‍ യൂണിറ്റ് പ്രസിഡണ്ട് സോണി സഖറിയ, വൈ. എം .സി . എ തൃശൂര്‍ സബ് റീജിയന്‍ ചെയര്‍മാന്‍ ജോണ്‍സണ്‍ മാറോക്കി എന്നിവര്‍ സംസാരിച്ചു. വൈ. എം. സി. എ രക്ഷാധികാരി പി.ജെ ചാള്‍സ്, വൈസ് പ്രസിഡണ്ട് കെ.എ ജോസഫ്, വ്യാപാരി വ്യവസായി ഏകോപന സമിതി യൂണിറ്റ് സെക്രട്ടറി പി. എ മോണ്‍സണ്‍, പഞ്ചായത്ത് അംഗങ്ങള്‍ തുടങ്ങിയവര്‍ സംസാരിച്ചു. തുടര്‍ന്നു നടന്ന ക്യാമ്പില്‍ വിവിധ വിഭാഗങ്ങളിലുള്ള ഡോക്ടര്‍മാര്‍ പരിശോധനകള്‍ നടത്തി.സൗജന്യ മരുന്നു വിതരണവും ഉണ്ടായിരുന്നു. മേഖലയിലെ നിരവധിപേര്‍ ക്യാമ്പില്‍ പങ്കെടുത്തു.
