ചാലിശ്ശേരി സെന്റ് ഔഗിന്‍സ് സുറിയാനി പള്ളിയില്‍ ഇടവക ദിനമാഘോഷിച്ചു. രാവിലെ വികാരി ഫാദര്‍. വര്‍ഗീസ് വാഴപ്പിള്ളിയുടെ മുഖ്യകാര്‍മികത്വത്തില്‍ നടന്ന വി. കുര്‍ബാനക്ക് ശേഷം ഇടവകദിന കൊടിയേറ്റം നടത്തി. തുടര്‍ന്ന് ആദ്യഫല ശേഖരവും, പൊതു സമ്മേളനവും നടന്നു. പൊതു സമ്മേളനത്തില്‍, ഇടവകയിലെ ഏറ്റവും പ്രായംചെന്ന ഏലിയാമ്മ ചീരനെയും, 75 വയസ്സ് പൂര്‍ത്തീകരിച്ചവരേയും ആദരിച്ചു.
വിവാഹജീവിതത്തില്‍ 25 വര്‍ഷം പൂര്‍ത്തീകരിച്ചവര്‍, എസ്.എസ്.എല്‍.സി, പ്ലസ് 2 പരീക്ഷകളില്‍ മുഴുവന്‍ വിഷയങ്ങള്‍ക്കും എ പ്ലസ് നേടിയ വിദ്യാര്‍ത്ഥികളെയും ആദരിച്ചു. ഫാദര്‍. മൈക്കിള്‍ ഗീവര്‍ഗീസ്, സെക്രട്ടറി എം വി രാജു, സണ്‍ഡേ സ്‌കൂള്‍ ഹെഡ്മിസ്‌ട്രെസ് ആലീസ് ബാബു, സ്ത്രീസമാജം സെക്രട്ടറി ജെമി ബാബു, യൂത്ത് ലീഗ് സെക്രട്ടറി മോജിന്‍ ചെമ്മണ്ണൂര്‍, എന്നിവര്‍ പ്രസംഗിച്ചു. കലാകായീകമത്സരങ്ങളും ഉണ്ടായിരുന്നു. മത്സരവിജയികള്‍ക്ക് വികാരി ഫാദര്‍. വര്‍ഗീസ് വാഴപ്പിള്ളി സമ്മാനങ്ങള്‍ നല്‍കി. ഇടവക സെക്രട്ടറി രാജു മേക്കാട്ടുകുളം, ബോബന്‍ സി പോള്‍, കമ്മറ്റി അംഗങ്ങള്‍ എന്നിവര്‍ പരിപാടികള്‍ക്ക് നേതൃത്വം നല്‍കി.
